شحات يا عيال

موقف مريت به اليوم اثناء خروجى من التربية العملية

آلامنى الموقف و أثر فىّ جدا جدا بجد ...

المدرسة اللى بتدرب فيها بتقع جنب مدرسة ابتدائى

اثناء خروجى من المدرسة سمعت طفل بيضحك على آخره و عمال يقول لصحابه الشحات اهه ... الشحات اهه يا عيال

انا كنت فى البدايه فكراه بيهزر مع واحد صاحبه

فبصيت

و كانت المفاجأه بالنسبه لى صدمه مؤلمه جدا ....

لقيت طفل فى سن الطفل ده تقريبا ثمان سنوات كده صغير جدا لابس بنطلون مقطوع ...وبلوفر مخروم خرم كبير من ظهره لدرجة أن عظام ظهره باينه ... ماشى منكسر جدا ولازق فى الحيطه

والتانى قاعد ينادى ويقهقه على آخره

شحات أه يا عيال بص بص ....

الطفل نفسه انكسرت اكتر واكتر وقعد يبص نظرات كلها ألم للطفل التانى وقعد يستخبى ورا عربيه

رحت للطالب ده وقلتله استنى كده ...

أنت مالك وماله ليه بتضايقه وهو ماشى فى حاله ... ليه بتعمل كده ... أنت تحب تكون مكانه !!!!!!!!

سكت وخفض رأسه وقالى لأ !

قلتله أنت تعرف ظروفه أيه ؟!!!!

أنت أهلك ماشاء الله بيلبسوك احسن لبس حذاء وبنطلون و قميص و شنطه و بيصرفوا عليك و يعلموك

أنت تعرف هو أيه ظروفه !!

سكت و اتخرص خالص ومشى بعيد وهو باصص فى الأرض

اللى انا بستغرب عليه المدرسة دى معلمتهوش العطف على الفقير فى القم اللى مفروض انهم بيعلموها له !

اهله فى المنزل معلمهوش ازاى يعطف على الفقير .

وأنه مفروض يدخر من مصروفه عشان يعطى الفقراء ولو كل فتره !!!!

ياريت كلنا نعلم اطفالنا أن أطفال الشوارع دول والأطفال الفقراء هم بشر زينا زيهم

بيحسوا زى ما بنحس ولهم رغبات وأمنيات وأحلام زينا ...

وأن احنا لازم نعطيهم .... حبذا لو مش فلوس عشان متضرهمش ... نعلم اطفالنا يعطوهم من طعامهم ... يعطوهم ملابس استغنوا عنها ... العاب معدوش بيلعبوا بيها ... حتى لو احنا بنعمل كده بنفسنا لازم لازم نعلم اطفالنا هم اللى يعملوا كده

نعلمهم أن لو لبس زهقت منه او صغر عليك او عندك لبس كتير مش محتاجه هو الطفل بنفسه يجى يقول لمامته عاوز أعطيه لطفل فقير

The monster

عفوا لمشاهدة الموضوع اذهب الى مدونتى الأخرى www.tani-stop-amoment.blogspot.com

CONGRATULATIONS ON YOU ENGAEMENT DEAR...

To you my dear friend ;

I was really very very very happy to hear about your engagement and was happier that you have told me in my blog ...

I wish to see you to congratulate you but what can I do ??? :-(

I cann't do any thing except sending you my favorite bouquet containing my favorites flowers (tulips and roses ) and you have only to imagine that it is true :-)) ...

May Allah flood you with everlasting happiness with your husband and family inshaa'Allah ...

Just I wish that you'll remember me dear ...

وكأن على رؤوسهم الطير !!!

كل يوم اثناء رحلتى من مدينتى الى مقر الجامعه اقابل العديد من الطالبات\الطلبه على اختلاف سلوكياتهم ودينهم واخلاقهم ومستواهم
وعادة ما تتكرر الأوجه لأنى من سنه اولى إلى الآن مشتركه مع نفس شركة الاوتوبيسات وبالتالى الأقدمون اللى زى حلاتى خلاص عرفت اشكالهم وكلياتهم
بس دايما حاجه تجننى وهى إنى ساعات اقعد ويكون الكرسى جنبى فاضى تيجى بنوته حلوه كده تقولى حد جنبك اقولهما لا اتفضلى
تقوم بوم مهبوده فى الكرسى ساعات كده ابتسملها تبتسم بنص شفاه وتقوم مطلعه السماعات ولزقاها فى اذنها من اول الطريق الى أنن نصل
مهما حصل فى الطريق من مواقف او مشاهد احس ان صنم قاعد جنبى ساعات ابص عليهم اتأكد انهم صاحيين الاقيهم مفتحين
لا حول ولا قوة الا بالله
ده ايه ده مفيش سلام عليكم ... كيف الحال ؟ انتى فى كلية ايه؟ طب سلام بس ...
بس كل ده كوم واخر موقف ده كوم تانى
اخر مره رحت فيها الكليه قبل العيد جت بنوته كده وهمهمت بكلمتين وهى متنرفزه من نفسها ومكشره كده فهمت انها تقصد فى حد جنبى ؟وكالمعتاد لأ اتفضلى
قامت بوووووووووووم من غير حتى ابتسامة لأنى قولتلها اتفضلى ولا شكرا و لا سلام عليكم ولا حتى رد للأبتسامه !!!
اول ما شفتها اصلا افتكرتها دى قعدت جنبى قبل كده بنفس المنظر
االى دهشنى من اول الطريق لاخره مغيرتش حتى طريقة جلوسها ولا فتحت شنطتها ولا حركت صابع ولا اتكلمت
وكمان اول ما جت تقعد جنبى كنت انا ورايا بلاوى متلتله مخلصتهاش وعليا تسليمها ومعايا كتب كتييييير لان كان عندى 5 محاضرات متواصله ، وكمان بما انه اخر يوم فكل الحاجات اللى صحباتى وزميلاتى طلبنها منى معايا ... من الاخر كنت ماشيه بكركبه ...
دخلت وانا فارده الورق وبكتب وحاطه الشنطه على الكرسى المجاور فطبعا اضطريت الملم عزاويلى هى قعدت وانتخت فردت ظهرها ورجلها امامها وانا بقى محتاسه معايا على ايدى 3 كتب وبحث و شنطتى اخد فى شيلها بطولة حمل اثقال (صندوق الدنيا على رأى صحبتى) وزائد ده كله كيس فيه الطلبات اللى اصحابى عاوزنيها اسطوانات واوراق و... وانا محتاسه محتاسه محتاسه مش عارفه الم الورق اللى كنت بكتبه ولا اعمل اى حاجه واللى قهرنى انها مقلتش عنك الشنطه على ما تعينى الورق لا و ببص على وجهها يمكن تفهم لقيتها ضاربه 3 متر بوز ومكشرررررررررررررررررررره ومتأففه من انى بتحرك كتير وانا بعين ادواتى
المهم اتعدلت وربنا كرمنى بعد ما روحى طلعت ...
واحنا فى نص الطريق عدينا على محطه كان واقف فيها بنت واحده للأسف المسكينه على الرغم من انها مشتركه فى باص معروف أنه محترم الا أنه صراحه كان مش محترم معاها بالمره لأن مفيش مكان تقعد فيه ومضطريه تقف
و قدرها كان انها تقف جنب صاحبتنا
البنت المسكينه شنطتها لمست جارتى العزيزه
كان لأول مره بقى اسمعها بتتكلم بصوت واضح " انتى ... يا... الشنطه الشنطه " اتبعتها ب افففففففففففففففففف
ووجها كل حاجه فيه اتطبقت على التانيه من التكشيره اللى مش هنساها
صراحه انا مكتبتش الموضوع عشان ابهدل جارتى دى بس لان الموقف ده فعلا استفزنى جدا
مش عارفه ليه الناس بتتعامل كده احنا كلنا اعمار متقاربه للغايه وتقريبا كلنا ماعادا البنت المسكينه من نفس المحطه اى من نفس المنطقه السكنيه ليه بنتعامل بمنطلق ان اللى جنبنا دول كرسى من غير اللى فوق الكرسى !!!!!! وليه بنشمأز من الناس الى هذه الدرجه الناس مش ملوثه ابدا والله دول كلنا طالبات فى جامعات حتى !!!!
يا سلام لو يبدأ يومك كده بواحده تبتسم فى وجهك وتقول عسى يومك طيب و سعيد انتى فى كلية ايه ؟ .... ربنا يوفقك ان شاء الله ... الواحد ميحسش بالغربه

كل عام وانتم بخير

عيد سعيد في الكون بهجته ..

يهنيء به رفيق العُلا والكمالات ..

أعاده الله بالإقبال مبتسماً ..

وكل عام وأنتم بالمسرات ..

اه منك يا دنيا

لكل شئ إذا ما تم نقصان

فلا يغر بطيب العيش إنسان

هى الأمور كما شاهدتها دول

من سره زمن ساءته أزمان

وهذه الدار لا تبقى على احد

ولا يدوم على حال لها شان

جزاكم الله خيرا + تحديث

السلام عليكم ورحمة الله وبركاته
انا خصصت البوست ده عشان اشكر فيه كل اللى دخل ودعى لماما وياسر
جزاكم الله خيرا وارجو انكم لسه فاكرين وبتنسوش تدعو لياسر وماما
رمضان على الابواب كل عام وانتم بخير ياريت بقى تكثفوا الدعوات
وبشكر كل اللى عل عندى وساهمنى بمشاركته ربنا يجازيكوا خير
بعتذر جدا عن انى معدتش برد على العليقات بس ده والله نظرا للظروف اللى انا فيها
انا فى الفتره دى اتعرفت على ناس نوروا مدونتى انا شاكره لهم جدا واتمنى انهم يفضلوا كده ينوروا مدونتى على طول (سجود -غير معرف واتمنى اعرف مين-غير معرف تانى واتمنى اعرف مين - walaa gobashy - صدفه جميله ) صحيح هى الفتره دى عامله زى البيت المهجور بس انا بدخل كل يوم ابص بصه مين اللى نورنى واسعدنى ومين اللى يشرفنى التعرف بيهم ومين دعى ل م\ياسر محمد وماما وفاكرهم
وطبعا من لا يفى لا اصحابه القدامى فهو لا يفى ابدا اساميكوا منوره فى مدونتى من غير ما اكتبها كل الناس اصحابى اللى دخلوا انا سعيده بوجودكم فى مدونتى واتمنى تفضلوا هنا على طول
تحديث:
لقد وضعت موضوع جديد (Turn point ) فى مدونتى الأخرى و يسرنى ابداء رأيكم فيه

20-7 يوم ذبول ملكة الزهور

نعم إنه ذلك اليوم سيظل محفور بالدماء فى أعماق قلبى لن أنسى أبدا ذبولك يا أحب الناس
الجمعه الموافق 20-7-2007 فى تمام الساعه العاشره صباحا
نعم أماه رحلتى عن دنيانا جسدا فقط لا غير فما زلت فى كل لحظه أراكى أمامى ... أسمع همسك ... نصائحك الغاليه ... تتردد فى أذنى صدى أغنية طالما غنيتها لى حتى عندما صرت فتاة ناضجه ...
لكم أحببتها ...
لم يمنعك حتى المرض من أن تحرمينى من سماع إنشادك لى بصوت خافت مريض ولكنى أدمنته ...
لم أنسى يوما نصائحك وأمنياتك ...
لطالما حاولت ... وما زلت أحاول وأحاول ... كى أكون كما تمنيتى
أسأل الله أن يحقق لى أمنيتك و أمنتيتى بأن يجمعنا سويا فى فردوسه الأعلى ... بأن يجمعنا فى ظلاله
إن الله لا يخلف وعده
حسبى رباه بأنك قد وعدت المتحابين فى جلالك باللقيا فى ظلالك
أنت أعلم لكم أحببتها فيك
لكم بذلتِ حبيبتى من الجهد لنسير نحو الحق يا أفضل أم ... وأغلى و أوفى صديقه
رحيلك أدمى قلبى ... لم أشهد سعاده منذ ذلك اليوم ... فارقت البسمه شفاى
تقرحت مقلتاى ولم تنسينى الأيام ... وأبدا لن تنسينى ... فمازلت أذرف الدماء من عينى لفراقك
يرى الكثير أن مرور الأيام يخفف هول الآلام ولكن ليس معى ففى كل يوم أزداد ألما وتوجعا ... فكل يوم يمضى بدون أن أراك هو يوم أسوأ مما سبقه وكيف لا ؟ فهل إذا طالت المده يقل الشوق أم يشتعل؟؟؟؟؟؟؟؟

يا من تعاتبنى إذا اقتحم الأسى شِعرى وداهم قلبى الولهانا ...

أتريد منى أن تكون مشاعرى ثلجا فأضحك والضلوع حزانا؟؟!!

لغة الوداع فصيحة لكنما .. لهو الحياة يغلق الآذانا ...

إنا لله وإنا إليه راجعون اللهم عندك أحتسب مصيبتى

اللهم أرحم أمى وعافها واعف عنها و أكرم نزلها ووسع مدخلها وأغسلها بالماء والثلج و البرد ونقها من الذنوب والخطايا كما ينقى الثوب الأبيض من الدنس

اللهم أبدلها دارا خيرا من دارها وأهلا خير من أهلها وادخلها الجنه واعذها من عذاب القبر ومن عذاب النار

اللهم عاملها بما أنت أهله ولا تعاملها بما هى أهله

اللهم اجزها عن الإحسان إحسانا وعن الإساءة عفوا وغفرانا

اللهم ادخلها الجنّه من غير مناقشة حساب ولا سابقة عذاب

اللهم آنسها فى وحشتها ووحدتها وغربتها

اللهم انزلها منازل الصالحين والشهداء والصديقين وحسن أولئك رفيقا

اللهم اجعل قبرها روضة من رياض الجنه

الله افسح لها قبرها مد بصرها وافرش قبرها من فراش الجنه

اللهم اعذها من عذاب القبر وجاف الأرض عن جانبيها

اللهم أملأ قبرها بالرضى والنور والفسحة والسرور

اللهم انقلها من مواطن الدود وضيق اللحود إلى جنات الخلود فى سدر مخضود وطلح منضود وظل ممدود وماء مسكوب وفاكهة كثيره لا مقطوعة ولا ممنوعه وفرش مرفوعه

اللهم لا تحرمنا أجرها ولا تضلنا بعدها

اللهم أجمعنا بها فى الفردوس الأعلى من الجنه

اللهم اللقيا فى ظلالك ... اللهم اللقيا فى ظلالك ... اللهم اللقيا فى ظلالك

آآآآآآآآآآآآآآآآآآآآآآآآآآآآآآآآآآآآآآمين

رجــــــــــــــــــــــــــــــــــــــــــــــــــاء :

نسألكم خالص الدعوات لأخى المهندس ياسر محمد المسافر بدولة الكويت بأن يشفيه الله شفاء لا يغادر سقما وأن يرزقهو يرزقنا و زوجته الصبر والإحتساب والثبات

يـــــــــــــــــــــارب (نسألكم الدعاء)

نسألكم الدعاء لأخى الأكبر المسافر بدولة الكويت
أصيب يوم الاربعاء الموافق 24-5
بحادث سياره وتم أجراء أكثر من عمليه إلى الآن وهو فى العنايه المركزه على جهاز التنفس الصناعى
نسألكم الدعاء له بالشفاء والعافيه والسلامه وأن يجعل الله ابتلائه كفاره وطهور له
والدعاء له و لنا ولأهله بأن يلهمنا الله الصبر والثبات والإحتساب

مزاج غريييييييب!!!!!!!

كتير بحسنى عاوزه اقعد فى اوضه ورق الحيطه بتاعها أسود وفيه زخارف بمبى رقيقه اوى يعنى مثلا خط واحد رقيق فى كل حيطه كده !!!!!!!
وتكون غرفه مكيفه ومعطره بعطر رقيييييييق اوى مش فاقع مثلا!!!!!!!!!!

وخاليه من كل حاجه إلا كنبه رقيقه امريكى بمبى ومريحه كده ارتمى عليها !!!!!!!!!!!!!

والإضاءه تكون خافته واشغل جنبى ايقاع هادى وعذب!!!!!!!!
هل ده أمر طبيعى :-)) ولا :-$

ولو طبيعى احققه ازاى !!!!!!!

وهل ده يدل على حاجه معينه !!!!!!!!

وبرضه مش عارفه بحس ان له علاقه بفترات بيجيلى فيها احساس انى عاوزه اقعد اعيط وحد يطبطب علىّ !!!!!!!
حد يقولى ايه الارتباط بينهم !!!!!!!!!!!

حقـــــــا ليس هناك مثل الأم

لكم أفتقد تلك المشاعر ...

آآآآآآآآآآآآآآآه...

ليتنى كنت مكانك أيها الصغير...

رحمك الله أماه...

أمنيــــــــــــــــــــــــــــــــــه

فياليت شعرى لو أن نفسى

تحادثنى وتفهمنى ...تطمئننى

أياليتها تعانقنى ... تؤانسنى

و من همّى تخلصنى

كتبت هذه الأبيات حبيبتى رضوى (Rozy 3sal)

وقفه من أجل الراحلون

كم أحببنا من أشخاص فى حياتنا كانوا دائما معنا وظللنا دائما نعدهم بالوفاء الدائم وبالإخلاص ونعد ونعد ونقول لإن كتب الله لنا الفراق فلن ننساكم ولو لحظه فأنتم أحبتنا وأهلنا وأقرب من فى هذه الدنيا إلى نفوسنا
ولكن ...
إذا حان الفراق حقا بكيناهم وتمزقت قلوبنا وظللنا ندعو لهم بالرحمه أسبوعا ... أسبوعان ... شهر ... شهران .... عام ... عامان
ثم أنشغلنا بدنيانا عنهم حتى إذا ذكرناهم بين الحين والآخر قلنا رحمهم الله لقد كانوا وكانوا... قليلا... ثم نسينا عهودا أبرمناها
نسينا كم هم فى أشد الحاجه إلى دعواتنا ... نسينا أن سيأتى يوما بعد أمد طال أم قصر ونكون فى نفس هذا الموضع ونتمنى دعوه من قلب صادق وفى بعهوده حقا وظل مخلصا لنا على الدوام حتى وإن غبنا بأجسادنا فإنه مازال يشعر بروحنا معه ما زال يعيش مع الذكريات
مازال يعيش ولم ينسى حرف مما تعاهدنا عليه
أما آن لنا أن نتذكرهم !!!! ... أما آن لنا أن نفى بعهودنا !!!! ...
فليجلس كل منا ويحصى كم من الأحبة رحلوا عن دنيانا ...
ليجلس كل منا ويضع عهدا صادقا بأن لن ينساهم أبدا من الدعوات ولن ينسى ما تواصينا عليه
بالنسبة لى فقد شهدت رحيل الكثير من الأحبه لم أنساهم أبدا وبإذن الله لن أنساهم ما حييت
أمى .... أغلى من كان لى فى هذه الدنيا ما زلت حقا أعيش بين الذكريات وأردد كلماتها كما لو كانت أمامى أستمع لهذه الأبيات فأعيشها حقا أشعر بخروجها من قلبى
ريحانة القلب المهفهفِ من حنانك زوديني...
عيناك توقظ فى فؤادي قصة الماضي الحزينِ...
عيناك رائعتانِ مثل فراشةٍ حطت على أوراق زنبقةٍ وفاضت بالحنين...
ِعيناك لا أدرى لماذا لا تزعجان هدوء قلبي تفتحان بلا مقاومة حصوني!!
قد كنت ازمعت الرحيل الى المقابر صامتاً من غير شوشرةٍ ففيما ترجعينى !!
أأنساكِ؟! سؤالً بات يقتلنى إلى الاعماق ياخذنى ويعوى صوته المشئوم فى أفاق ذكراكِ...
أأنساكِ؟! سكاكين على صدرى أرى في حدها قبري وليلٌ فى مخيلتي يسافر فيه عيناكِ...
أأنساك؟! أجيبيني فإن البعد والحرمان شيئاً فوق إدراكى...
وهل أنسى غروب الشمس تلفح خدك الباكى ؟!
وهل أنساك يا أماه... كيف وقلبى مئواكى ؟!
احبك... أينما تمضين عن عينىّ ألقاكِ؟!
وطائر نورسٍ يشدو هناك فى أنين البحرِ ملء البحرِ أهواك ِ...
على الحيطان ترتسمين... وفى الأوراق تبتسمين...
ومن ارض الى ارض يطاردنى محياكى ...
وبين الفجر والاشراق تنبعثين من روحى... فلا ادرى اذا ما كنت امراة ام مصباح غناكى!
( وعمتى ....و صديقتى الحبيبه ... و أثنان لن أقل عنهما صديقا والدى بل عمّان حقا عمّان لى ... و زميلة ظلت ترافقنى فى الصف لستة أعوام متصله ... ومعلّمى ... ومعلّمتى فى الجامعه التى رحلت منذ اسبوع مضى ... وممرضة كنت أتخذها صديقة لى على الرغم من فارق السن الكبيييير بيننا ولكن لم يكن السن حائلا أبدا مازلت أقرأ كلمات كتبتها لى وأذكر كم كانت رفيقة لطيفه )
وأنتم كم من الأحبة رحلوا عن دنياكم ... أتذكرونهم حقا
فلنقف وقفة من أجل الراحلون ولندعو لهم جميعا
" اللهم يا حنان يا منّان يا واسع الغفران أغفر لموتى المسلمين جميعا وأرحمهم وعافهم وأعفو عنهم ,أكرم نزلهم ووسّع مدخلهم و أغسلهم بالماء والثلج والبرد ونقّهم من الذنوب والخطايا كما ينقّى الثوب الأبيض من الدنس .... اللهم أعذهم من عذاب القبر وجاف الأرض عن جانبيهم ... اللهم إملأ قبورهم بالنور والفسحة والسرور وأجعلها رياض من رياض الجنه ... اللهم أنقلهم من مواطن الدود وضيق اللحود إلى جنات الخلود فى سدر مخضوض وطلح ممدود وظل ممدود وماء مسكوب وفاكهة كثيره لا مقطوعة ولا ممنوعه وفرش مرفوعه ... اللهم آنسهم فى وحشتهم ووحدتهم وغربتهم ... اللهم عاملهم بما أنت أهله ولا تعاملهم بما هم أهله ..."
اللهم آآآآآآآآآآآآآآآآآآآآآآآآميـــــــــــــــــــــــــــــــن

أن تعبد اللــــــه كأنك تراه

".... قال:فأخبرنى عن الإحسان .قال :أن تعبد الله كأنك تراه ،فإن لم تكن تراه فإنه يراك "
تعبد الله كأنك تراه
إنها لقاعدة كبرى يقيم عليها الأسلام بناءه
إنه عالم واسع يفيض بالمحبة ... والتقوى...والأمل ...والرهبة ....والنـــــــــــــــــــــــــور
تخيل معى ...
الإنسان فى مواجهة مولاه ... فى مواجهة الذات العظمى الخالقة القاهره. والنور - نور السماوات والأرض - يغمره من كل جانب وينفذ إلى أعماقه فيضيئ ثنايا قلبه ويستقر فيه
إن أحدنا اذا وُضع لعدة أيام تحت مراقبة صاحب فضل عليه... او صاحب سلطة عليه ... او حتى شخص يقدره ويحبه فإنه يجاهد ساعيا بكل الطرق على الا يصدر منه تصرف خاطئ أو أى شئ يغضب ذلك الشخص ...
فما بالك إذا كان الأنسان فى مواجهة الذات العليا ...مولاه ... ذا الجلال والأكرام ... المنعم ... المهيمن ...الجبار
الأنسان بنفسه جميعها ...ظاهرها وباطنها ، بدقائقها ولطائفها ، بأسرارها وما هو أخفى من الأسرار ... كلها مكشوفة لله ..
" فإن لم تكن تراه فإنه يراك "
يا الله !
يا للرهبه والقشعريرة التى تملأ النفوس
تخيل ذلك معى كل كبيرة وصغيره ما يدور فى بالك وقلبك ... أعمالك ... نظراتك ... أقوالك ... نياتك ... نعم نياتك التى فى قلبك أليس الله هو خالقها ؟؟؟
إنك إذا صدقت ذلك بالفعل وتخيلته حينها ستتوجه إليه بنفسك جميعا سرها ونجواها ...
وحين تتوجه وفى نفسك الشعور بالتقوى الخاشعه والرهبه العميقه فلا شك أنك ستنظف نفسك وتحرص على نظافتها
وحين ترقبه كأنك تراه ... حين تنظف نفسك وتحرص على ألا تتلوث فى الطريق ...حين تحاسب نفسك على كل صغيره وكبيره ... حين تراجع كل عمل عملته ...وكل كلمه قلتها ... وكل خاطة وسوست بها نفسك ...وكل حركة تحركتها جارحة من جوارحك
حينئذ يستقيم الأمر كله للحياه...
تخيل معى أذا فعل كل شخص ذلك بنية خالصة ما الذى سيحدث ؟؟
ستنتهى كل مشاكلنا ...
هذا ما فعله الصحابه فكانو خير اجناس الارض عاشوا بسلام وفى خير ورخاء فقد أنطلقت كل تصرفاتهم دنيا ودين من هذا المنطلق ...أن تعبد الله كأنك تراه .

لغة من نوع خاص

وللأسف ... إن عصرنا الراهن هو عصر الرسميات والروتين وجمود المشاعر
يبدو ذلك واضحا فى تقديم الهدايا فى المناسبات المختلفه
فقد أصبح لنا روتين معروف فى تقديم الهدايا فى كل مناسبه و كأنها قواعد منصوصه
ولم يعد يفكر أحد فى التجديد والمفاجأه والمشاعر
وبالتالى وللأسف لم أعد أجد من يستخدم الأزهار كعنصر رئيسى فى تقديم الهدايا
وصارت للتزيين وفقط
للأسف فقدت الأزهار الجميله معناها ...
من منا الآن يسخدم لغة الأزهار او يستخدمها او حتى يفكر بها ...
كيف سيكون رد فعلك إذا فتحت هديتك مره ووجدتها أزهار
هل ستنبهر مثلى وتشعر أنها تدل على صدق المشاعر وأنها أقيم من أى هديه أم ستتعجب وتتمنى لو كانت هديه (مفيده) كما يقول الكثير منا اليوم !!!
بالنسبة لى فأنا أفتقد وبشده من يقدر ويفهم لغة الأزهار :-(
لكم تمنيت وبشده أن يفاجئنى أحد بزهره كتعبير عن مشاعره نحوى ولكن للأسف ....
لغة الورود:
لغه الورود هي لغه رومانسية ,تكشف مافي الصدور من حب وشوق وألم وعذاب...فوردة حمراء واحدة تُغني عن باقة كاملة من الورود ,وليست الوردة نفسها من تعبر عن هذا ، بل أيضاً أوراقها وأشواكها فالأوراق هي الأمل والأشواك هي الخطر.
و للوردة معاني و دلالات :

اذا كانت الوردة تميل إلى اليمين فهي تعني ( أنا)

أما إذا كان ميلها نحو اليسار فهي تعني (أنت)

وإذا قُدمت الوردة باليد اليمنى فهذا جواب إيجابي أما إذا قُدمت باليد اليسرى فيدل هذا على جواب سلبي .
قديماً استخدمت النساء الورود كنوع من الزينة :فاذا وضعت المرأة الوردة فوق قلبها فهي بهذا تريد القول ( أنا أحب )

وعندما تزين شعرها بوردة فهذا يدل على الحذر والاحتراس.

وإذا وضعت المرأة وردة في معصمها فهذا رمز للصداقة أو للذكرى.
لألوان الورود معاني و دلالات منها :

اللون الأحمر: أنا أعد الأيام إلى أن نتقابل مرة ثانية و ترمز للحب المتلهب، والنشاط،والشجاعة

اللون الأحمر الداكن: أنا أفتقدك كثيراً

اللون الأصفر: أنت شمس في حياتي و ترمز الزهور الصفراء للغيره أيضا

اللون الوردي: أنا أعشقك وأوعدك بالصدق

اللون الأبيض: أنا أؤمن بعفتك وطهارت وترمز الزهور البيضاء لصفاء القلب، والحب الطاهر، ورأي آخر أنها ترمز للحزن

اللون البرتقالي: أنا صديقك المخلص والوفي

اللون البنفسجي: أتمنى لك كل السعادة والتوفيق وتدل على الوفاء، والنبل

اللون الأزرق: سأبقى إلى جانبك حتى الموت وترمز إلى الصدق، والوفاء، والثبات،

أما أعداد الورود فلها دلالات أخرى منها:

الوردة الوحيدة : أنت كل شئ لي

الوردتان : دعنا نسافر مع بعضنا البعض

3 وردات : متى أستطيع مقابلتك مرة ثانية ؟

4 وردات : أنا شاكر لك

5 وردات : سأفعل أي شئ تطلبه

6 وردات : أنا أشك في كلمتك

7 وردات : أنا أحبك

8 وردات : أنا مخلص لك حتى الموت

9 وردات : أريد أن تكون ملكاً لي

10 وردات : هل تريد الزواج بي ؟
كذلك لكل نوع من الزهور معنى مختلف
فتدل زهرة التيوليب على الإنسان محب الجمال
وزهرة اللاوند تدل على الحب بإحترام شديد
والبنفسج يدل على الهدوء، والتواضع
والياسمين الأبيض يدل على الشخصية المتمردة
والقرنفل عند تقديمه يدل على الإعجاب بالآخر
وغيرها من الدلائل التي ترسلها الزهور . لن تجد هدية تقدمها في أي مناسبة أنسب من هدية الزهور، فقد تلقى أي هدية آخرى نوع من النقد، أما الزهور فتغري بجمالها ولغتها الساحرة فتستقبلها بنفس الصمت التي أهدت إليك به .
تقدم الزهور إلى المرضى ؛لتبعث له على الأمل والطمأنينة، ولابد من مراعاة أن تكون الزهورالمهداة إلى المريض عديمة الرائحة،هادئة الألوان، وفي حالة المرض الطويل يفضل تقديم بوكيه من الزهور من وقت لآخر، ويفضل اللون الوردي، وأنسب أنواع الزهور التي تقدم للمريض هي الورد والجلاديولس.
تقدم الزهور أيضا للمسافرين، وتقدم في حفلات الاستقبال الرسمية،وحفلات الزواج ويفضل في حفلات الزواج أن تكون ذات اللون الأبيض أو الوردي أو القرنفلي أو بلون فستان العروس
وحتى المناسبات الحزينة جرت العاده فى بعض الشعوب الغير اسلاميه أن تعبر الزهور عن مشاعر الحزن؛ فتقدم في العزاء لتوضع على القبور، أو في حفلات التأبين. لا تقدم الزهور إلا منسقة، في سلة، أو في ورق من السليوفان، أو الجيبسوفيلا، وتعتبر المدرسة اليابنية هي الرائدة في مجال تنسيق الزهور، وصلت عدد مدارس تعليم تنسيق الزهور فيها إلى 3500 مدرسة، يقتبس الياباني من الطبيعة طرق التنسيق، فهو يقلد خطوط الأشجار المتعرجة،والأزهار النامية بريا في الغابات، أو على سفوح الجبال، كما أنه يكون حريص على أن يقدم من خلال تنسيقه معنى معين، وبأبسط المواد النباتية يعبر عن أدق الأحاسيس والمشاعر الإنسانية...

لذا فعوده إلى الأزهار ...

دموع الشتـــــــــــــــــــــــــــــاء

بما إنى عامله مدونتى وسيله للفضفضه فانا ناويه أنفجر النهارده
بس مبدئيا تعلن القوات الجويه السمسميه عن البيان التالى :وهو ان اللى هيقرأ البوست ده سيصاب بحالة اكتئاب
فأى حد مبيحبش يغم نفسه ميقرأش أحسن
أنطلـــــــــــــــــــــــــــــــــــق:
فى هذا الجو البارد وموسم الأمطار تختلف النظره من شخص لآخر فيما تثيره الأمطار من مشاعر تختلج صدره ؛ فهناك من يرى الأمطار وكأنها لآلئ أو كريستالات مضيئه ؛ وهناك من يشعر بأن الأمطار والسحب وهذا الجو هو أفضل أوقات الرومانسيه ؛ آخرون يشعرون بأنه موسم الخير فيرى الأمطار بذور للخير تهطل من السماء لتغرق الأرض خيرات...
ولكنى لا أعلم إن كان هناك من يشعر بما تثيره الأمطار فى نفسى ...
فموسم الأمطار بالنسبة لى هو موسم الذكريات بصفة رئيسيه وبعض الرومانسيه ونفحات الإيمان ...
كلما هطل المطر أشعر وكأن السماء تبكى ؛ فأنظر إلى قطرات المطر وكأنها دمعات متساقطه ...
أنظر فى صمت رهيب إلى تلك القطرات وتعاودنى مع كل قطرة ذكرى ... أرى شريط الذكريات بما فيه من ماض جميل مر وكأنه حلم جميل غفوت فحلمته ...
يتجسد أمام عيناى فأعيش بداخله وما ألبث إلا قليلا حتى يوقظنى صوت أحد الماره أمام شرفتى لاهيا تحت الأمطار فتتحطم أحلامى على صخرة الواقع...
أتذكر تلك الأيام الراحله التى كنا بها ستة افراد يعج المنزل بالحيوية والنشاط والضوضاء ...فى تلك الأيام لم أكن أشعر أبدا بقسوة الشتاء
أتذكر كيف قل عددنا بزواج أخى الأكبر وسفره للعمل بعيدا عن وطن لم يوفر له ظروف المعيشه فلم يجد إلا الغربه حلا ؛ فكنا إذا جلسنا إلى المائده ننظر إلى حيث كان يجلس فى هدوء رهيب لا ننبس ببنت شفه ولكن أعيننا تتحدث
أتذكر مواسم المطار السابقه حين كنت اترقب سماع صوت المطر ؛ حتى إذا سمعته قفزت من مكانى متجهة نحو الشرفه منادية أمى : " ماما ماما الدنيا بتشتى جامد اوى تعالى بسرعه قبل اما تقف " ؛ فتأتى لنقف سويا نشاهد سقوط الأمطارعلى الأراضى الزراعيه المجاوره ...نراقب غريزة الأمومه و كيف تخفى القطط صغارها لتحميها من الأمطار ... تذكرنى أمى بالدعاء فنظل ندعو ونتأمل مشهد من أفضل المشاهد
أما الآن وقد ساد الصمت والبروده ارجاء المنزل فلم أعد اهتم بهطول المطار ولم أعد احرك اصبعا لمشاهدة المطر فانا لا اريد ان ارى المزيد من الدموع
وإذا اضطررت لذلك اشعر وكأن الدنيا تبكى وتقطر لما أشعر به من ألم مزق صدرى حاولت مرارا وتكرارا اخفاؤه فيظهر تاره واخفيه اخرى
أشعر بالكآبه والبروده ...حتى وإن دفئت أطرافى فما زلت أشعر بالبروده الداخليه
كثيرا ما تنتابنى حاله من القلق المشوب بالخوف ... كثيرا ما أشعر بالصراع النفسى فى كونى دائمة المحاولة فى تصنع الابتسامه التى تخفى الكثير من الألم ... كثيرا ما أشعر بالوحده ولا أجد أمامى من يفهم مشاعرى ... كثيرا ما اخفى دموعى عن كل من حولى ثم انتهز اقرب فرصة لا يرانى فى احد حتى افجر سيل من الدموع والنحيب ولا يشعر بى أحد
لم يكن يشعر بى سواكى يا حبيبتى رحمكى الله وجمعنى بك فى فردوسه الأعلى
وأنا فى كل هذا أفتقد من يضمنى إليه ... أتمنى لو أتيتى أمامى ولو لوقت يسير لأرتمى فى احضانك وأظل أبكى ... وأنتحب ... أشكو ... وأحكى
فى هذا الجو البارد لا أجد من يشعرنى بالدفء

حقا (صيرى تماثيل من حجر فى الميادين ) هكذا الحال

الفتوحات فى الأرض – مكتوبة بدماء الخيول
وحدودُ الممالك
رسمتها السنابك
والركابان : ميزان عدل يميل مع السيف
حيث يميل
***
اركضى أو قفى الآن .. أيتها الخيلُ :
لستِ المغيرات صبحا
ولا العاديات – كما قيل – ضبحا
ولاخضرة فى طريقك تُمحى
ولاطفل أضحى
إذا مامررت به ... يتنحَّى
وهاهى كوكبة الحرس الملكى..
تجاهد أن تبعث الروح فى جسد الذكريات
بدقِّ الطبول
اركضى كالسلاحف
نحو زوايا المتاحف..
صيرى تماثيل من حجرٍ فى الميادين
صيرى أراجيح من خشبٍ للصغار – الرياحين
صيرى فوارس حلوى بموسمك النبوى
وللصبية الفقراء حصاناً من الطينِ
صيرى رسوماً ... ووشماً
تجف الخطوط به
مثلما جفَّ – فى رئتيك – الصهيل !

نقلا عن قصيدة الخيول للشاعر أمل دنقل قرأتها فتذكرت تحرير القدس على يد الناصر صلاح الدين الأيوبى وما وصلت إليه حالة بيت المقدس وما يحدث الآن فى غزه

تأمـــــــــــــلات

عبر مراحل الحياه...

ياما التقينا بناس ...
وكوّن كل منا علاقاته الخاصه ومعارفه وصداقاته
منهم اللى بنتعلق بيه لفتره ... ونحبه اوى ... ونعيش معاه حياه جميله....
نفضل نقول مش هنفارق ابدا وهيفضل حبنا وعلاقتنا ببعض حتى لو غابت شمس احدنا
وفجأه ...
لأى سبب تافه او من غير اسباب يفتر الحب لحد ما يختفى
ونيجى نسلم عليه يسلم علينا بيد خاليه من اى مشاعر زينا زى اى شخص بيتعرف علينا لأول مره ولا أكن كان بينا حب ... صداقه ... موده ... احلام ... وعهود
ومنهم اللى بنقابله ونتعلق بيه يمكن فترة لقائنا اقل... يمكن اعمارنا مختلفه ... بس بيفضل محفور فى قلوبنا ومحفورين فى قلبه ووتفضل عهودنا لبعض حقيقه ويفضل صادق فى عهده لينا
وحتى لو غاب أدنا ورحل عن دنيانا بنفضل فى قلبه وعقله وقدام عينه على طول ...
ياترى ايه الفرق؟؟؟؟
وتفتكروا ايه السبب؟؟؟؟؟؟؟
وكنت ليكم من اى نوع؟؟؟؟؟؟؟

الأخوّه فى الله

إن الطريق الذى نحسب أنه يؤدى إلى رضا الله ومحبته يتلخص فى جمله واحده تحتاج إلى تفصيل كثير ... وهذه الجمله هى:
" أصلح نفسك وادع غيرك"
والذى يطمئننا أن هذا الطريق هو المسلك السليم، ما جاء فى كتاب الله من آيات كثيرة تبين هذا، ومنها سورة العصر .. بسم الله الرحمن الرحيم ..
" والعصر. إن الأنسان لفى خسر . إلا الذين آمنوا وعملوا الصالحات و تواصوا بالحق وتواصوا بالصبر "
لكن النقطه هنا كيف نسير فى الأتجاهين معا - إصلاح النفس ودعوة الغير- عمليا دون إفراط أو تفريط
- أو بعبارة أخرى : كيف يتسنى لنا أن نواصل السير فى كلا الأمرين دون كلل أو ملل؟
الشيطان مع الواحد :
لقد اتضح بالتجربه أن المسلم لا يستطيع أن يستمر فى كلا الأمرين إلا فى حاله واحده وهى : وجود بيئه صالحه ووسط طيب يعتنق فيه هذه الأفكار و يسعى سعيا جادا إلى أصلاح نفسه ودعوة غيره ...
وفى هذا الوسط يعيش المسلم ويتأثر من خلاله ، فيعطى ويأخذ من محاسن الأخلاق والصفات ، ووجود هذا الوسط ضرورى ولو كان من اثنين فقط
فقد قال صلى الله عليه وسلم : " إنما يأكل الذئب من الغنم القاسيه "
فكم من شاب فقد نفسه لبعده عن الصحبه الصالحة
تأمل معى ما قاله الله عز وجل لرسوله صلى الله عليه وسلم :
" واصبر نفسك مع الذين يدعون ربهم بالغدوة والعشى يريدون وجهه ولا تعد عيناك عنهم تريد زينة الحيوة الدنيا ولاتطع من أغفلنا قلبه عن ذكرنا واتبع هواه وكان أمره فرطا "
ضرورة التآخى فى الله:
لابد أن يكون الرباط الذى يربط بين هذه الأفراد ولو كانوا اثنين هو رباط الأخوه فى الله . تتجسد معانى المحبة فى الله فيما بينهم ، ويصعدون فى مدارجها حتى يصلوا إلى ما وصل إليه سلفنا الصالح .. كانوا إذا وضع أحدهم اللقمة فى فم أخيه يجد طعمها فى ريقه ، وإذا ابتعد عنه أخوه شعر كأن جزءأَ عزيزاَ قد فقد منه ... هذه الرابطة إذا رويت بذرتها حتى نبتت ، اشتد عودها حتى أثمرت كانت نوراا ووقاء يوم القيامه : " إن من عباد الله لأناساَ ماهم بأنبياء ولا شهداء يغبطهم الأنبياء والشهداء يوم القيامه بمكانهم من الله تعالى . قالوا : يا رسول الله تخبرنا من هم ؟ قال: هم قوم تحابّوا بروح الله بينهم على غير أرحام بينهم ولا أموال يتعاطونها .. والله ظغن لوجوههم لنور و إنهم لعلى نور.. ولا يخافون اذا خاف الناس ، ولا يحزنون إذا حزن الناس "
و يناديهم ربهم بهذا النداء الحبيب يوم القيامه " أين المتحابون بجلالى ؟ اليوم أظلهم فى ظلى يوم لا ظل إلا ظلى "
اللهم أجعلنا منهم يارب العالمين
ومهمّة هذه البيئه مهما صغرت أن يتعهد أفرادها بعضهم بعضا فييسرون على أنفسهم تطبيق ما ذكرناه من قبل ...
ففى مجال إصلاح النفس يتابع الأفراد بعضهم بعضا فى الطاعات
و إذا رأى احدهم أخاه على معصيه أو خطأ عليه توجيهه
فإن المرء يسهل عليه أن يخلف الموعد مع نفسه ولكن يصعب أن يخلفه مع غيره
أعننا الله وأياكم على الطاعه ورزقنا حسن التنفيذ

المــــــــــــــــــــارّون

انا بجد آسفه جدا انى بقالى فتره مش بكتب مواضيع بمعنى مواضيع بس بجد انا حاليا مشغوله بشكل لا يوصف
فمحبتش انى اقطع المدونه اللى بعتبرها جزء منى صراحة وقولت اطلعكوا على اللى فى بالى

كل يوم بنقابل ناس ونتعرف على ناس نتكلم مع ده ونسلم على ده و هكذا
بس هل عمرنا فكرنا فى تأثيرنا على الناس اللى حولنا؟؟؟؟؟؟
هل عمرنا فكرنا ان ممكن وسط الناس دى ناس أثرنا فيهم بعمق شديد من غير ما نشعر بيهم!!!!
هما فكرنا دايما بدعواتهم وأشواقهم وحبهم الصادق
بيتمنوا مننا لو نبذل لهم جزء من الأحاسيس والمشاعر اللى بيبذلوها لينا
بيتمنوا أننا نشعر بيهم
بيتمنوا إننا نشعر بهمومهم ونربت على أكتافهم عشان نخفف عنهم ولكن

وللأسف بنتجاهلهم من غير ما نفكر فى مشاعرهم
من غير ما نفكر ان وسط الناس دى ممكن تلاقى اقوى علاقة صداقه حقيقيه عرفناها
وبعد كده لما نفقدهم من حياتنا بنحزن جدا على فقدهم
نتحسر ونقول يا ليتهم يرجعوا تانى و لو للحظه نبذلهم كل المشاعر
نعرفهم أن لهم قيمه ومكانه فى قلوبنا
لهم قيمه ومكانه عندنا تجاهلناها ومحسناش بقيمتها الا بعد فوات الاوان
يا ليت كل واحد فينا يفكر فى الناس دى... فى منهم أد ايه فى حياتنا!!!!!!
لما نلاقيهم أوعى نتجاهلهم عشان منندمش ونتحسر عليهم

أحياناً يغرقنا الحزن حتى نعتاد عليه ...

وننسى أن في الحياة أشياء كثيرة يمكن أن تسعدنا...

وأن حولنا وجوهاً كثيرة يمكن أن تضيء في ظلام أيامنا شمعة ...

فابحث عن قلب يمنحك الضوء...

ولا تترك نفسك رهينة لأحزان الليالي المظلمة ...

تــــــــــــــــــــــــــــــــــاج

جانى تاج من حبيبتى wish I was butterfly
و لأنه من حد عزيز مضطريه اجاوب
كنا هنقول ايه اه اسئلة التاج:
لو قالولك اختار عصر من عصور مصر علشان تعيش فيه تختار اى عصر و فى عهد اى حاكم .. واشمعنى؟
عصر الفتح الأسلامى لعمرو بن العاص
عشان احس بمشاعر المسلمين وفرحتهم فى الوقت ده و العدل اللى كان فى الوقت ده
اول اولويه فى حياتك عيلتك ولا شغلك ولااصحابك؟
اسرتى بالتحديد وبعدين اصحابى المقربين اللى بعتبرهم بقيت عيلتى وبعدين شغلى "المذاكره او الابحاث يعنى :-)"
لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
مش عارفه يمكن عشان متحطش فى الموقف ده قبل كده وبعدين انا اخاف صراحه اوى لأنى عاطفيه اوىىىىىىىىىىىى
بس لواجبرت على كده هحاول قدر الإمكان إن شاء الله
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
نفسهم اول حاجه لأن النفس أماره بالسوء ولو الواحد مجهدهاش هتوديه فى مصيبه
وتانى حاجه الحاشيه المقربه لو هى حاشيه فاسده هتكون سبب فى فساد الحاكم والحكم
مين أكتر اعلامي مصري بتحترمه؟
إعلامى مصرى!!!!!!!
اممممممممممممممم
مش عارفه اجاوب لأنى بصراحه مش منسجمه اوى مع الحاجات دى يعنى
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
انا مبشتغلش اساسا لسه طالبه بس انا بحب مجال تخصصى جدا اللى هو تدريس الانجليزى بس فى مكان تتوفر فيه شروط التعليم الجيد صراحة
لو كنت علمى كنت هحب اكون باحثه كيميائيه فى مجال الأدويه وأحاول اكتشف علاج للأمراض اللى لسه مكتشفلهاش علاج
شكلى شطحت اوى :-) بس هى دى الحقيقه بجد
ايه تانى بلد تتمنى تعيش فيها بعد مصر؟
مكة طبعا الحرم ومكان مولدى وكل حاجه حلوه
انجلترا بس مش كتير كام سنه كده
بس كل ده بشرط انقل اللى انا بحبهم معايا هناك :-)
اوصف ليا ترتيبات اجمل فرح ممكن تحضره
اممممممممممممممممم
لسه كان فى بالى من كام يوم اقول لو مسكونى ترتيب الأفراح ... بس محدش يعترض على اللى انا بعمله
هعمل حاجات غريبه جدا مش عارفه اجمعها فى بالى حاليا
بس كنت هكد على حاجه قليل اوى اللى بيعملوها
وهى فقره خاصه لأستعراض صور العروسه والعريس فى فترات حياتهم المختلفه ويا حبذا لو فى مقاطع فيديو او شريط تسجيل ليهم وهم اطفال
بتراعي كلام الناس والقيل والقال؟ لو اه او لو لا قول لى ليه؟
فى مواقف ومواقف
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
ببساطه
هروووووووووووووووح فيها
الموبايل ده والنت اموت لو حد فيهم فصل يوم
الموبايل عندى والرسايل وسيلة الاتصال الرئيسيه بأحبابى اللى نفسى يكونوا عايشين معايا على طول
والنت بحس انى مقطوعه عن العالم لما يتقطع احبابى بتوع الدونات والاأيميلا اللى بقاله فتره ما حدش بيكون قاعد لما بدخل يعنى بس برضه
الكاميرا الديجتال عندى مش مهمه بس وجودها مهم جدالأنها الوسيله اللى منها بعرف اشوف اولاد اخويا :-(
الحمام الزاجل والاحصنه بتاخد وقت طوييييييل اكون مت على مايوصلنى رد صاحبتى لو انا بطمن عليها مثلا
بس كل له عيوبه ومميزاته
السعاده هى؟
عدم الانشغال بالناس وتعاملهم معاك
يعنى تتعامل باخلاقك بس ميهمكش كلام حد ولا تقصير حدد
وطب السعاده الاولى هى استشعار القرب من الله نفسى احس الشعور ده بجد
عندك أمل ؟؟ أسبابك ؟
مش دايما
مش من النوع اللى متفائل على طول
لما تحب تهرب من كل شئ بتروح فين؟
السطح ...
:-) بحب اقعد اعيط فوق لوحدى بحرقه كده من غير ما حد يسمعنى
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
لما حسيت بتغير شخصيتى الجامد بعد وفاة امى وتحمل مسؤليتى الكامله حسيت ان اغلب اللى فى سنى اصغر منى فبقيت بتعامل مع الاصغر منى على انهم اخواتى الصغننين رغم ان مليش اخوات صغيرين بس بحب اوى انى احس ان ليه اخت صغنونه كده وبتعامل مع اللى اكبر منى كأنهم فى سنى
أما اللى فى سنى بحس انى تايهه وسطهم
لما بتعمل عمل خيرى بيكون ايه هو دافعك الاول؟
الثواب
بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟
لأ الحمد لله
لما بشوف حد بيشرب سجاير بكون عاوزه اعيط صعبان عليه ومخنوقه منه انه بيشرب ومن الريحه
بتعرف ايدك اليمين من الشمال ازاي؟
من الحسنه اللى فى ايدى اشمال بجد والله :-)
ايه اكتر اله موسيقيه بتحبها ؟
الصوت البشرى العذب جدا
فى رأيك ليه الذوق والنخوه اتعدموا؟
اغلب الخلاق والمشاعر الجميله انعدمت بحس انه من التطور وكثرة مشاغل الحياه يمكن طريقة التربيه والانانيه
ايه الحاجه اللى لو حصلتلك تبقى سعيد قوى؟؟؟
اشعر بقربى من الله نفسى بجد ادعولى
اموت بحسن الخاتمه
اشعر ان الناس بتعامل اصدقائها باخلاص بجد ميبقاش كل واحد همه الوحيد نفسه وبس
تختار يبقى عندك...ارض زراعيه ولا احسن عربيات و لا كام عماره و لا فلوس فى البنك؟؟؟؟
فلوس فى البنك اشترى بيهم اللى فاتوا واى حاجه تانيه ابقى حرة التصرف فيهم
البحر و لا النيل؟؟؟
البحر بيثير فى نفسى الكثير من المشاعر والذكريات
مركب و لا طياره؟؟
مركب فى النيل وقت الغروب او الشروق
لكن لو سفر يبقى طياره
مجنون و لا عاقل؟؟
حسب الموقف المواقف اللى محتاجه اكون فيها عاقله بكون عاقله غير كده بكون طقه
تقرأ كتاب و لا تتفرج عليه فيلم؟
اقرأ كتاب لكاتب محترم كده يكون بيخليكى تعيشى الاحداث
لو عنيه تعبانى وزهقانى اموت فى الفرجه على افلام الدراما اليابانيه
تمرر التاج لمين؟؟
ده اصعب سؤال
لسه مش عارفه لما اعرف هقولكم :-)

النساء والرغى

اسأل أي رجل في اي دولة في العالم عن رأيه في النساء سيجيبك بلا تردد: ثرثارات.. وهذه الرؤية المشتركة تؤكد وجود خطب ما في مسألة التواصل بين الجنسين ونظرة كل منهما لطريقة الآخر في الحديث والهدف من الكلام

*******

قد تبدو النساء ثرثارات لسببين رئيسيينالأول: عصبي دماغيوالثاني: عاطفي نفسيفالاناث بوجه عام يتفوقن على الذكور في مهارات الحديث والتواصل بفضل ضخامة وفعالية مركز اللغة في أدمغتهن.. وهذه الحقيقة تبدو جلية منذ سنوات الطفولة الأولى حيث تتحدث "البنت" وتبدو أكثر فصاحة وجراءة من الولد قبل نهاية السنة الثانية.. وفي حين يعجز الأهل عن إلزامها بالصمت يتحسرون على تأخر شقيقها في الكلام ويبدأون بالحديث نيابه عنه: ما شاء الله عليه شاطروفي سن المدرسة يصاب الأولاد بمشاكل التأتأة والتلعثم بنسبة أكبر في حين تحقق البنات نتائج ممتازة في المناهج الأدبية واللغوية.. وحين يصل الجنسان إلى سن البلوغ يلوذ المراهق بالصمت والانعزال عن أهله. في حين تبدأ المراهقة باكتشاف اختراع يدعى: تليفون.. وتثرثر مع صويحباتها لساعاتهذا التفوق اللغوي يستمر لصالح المرأة حتى نهاية العمر بدليل تفوق النساء في تعلم اللغات الأجنبية واستعمالهن 23ألف مفردة في أحاديثهن اليومية.. في حين لا يستعمل الرجل نصف هذا العدد في أكثر أيامه ثرثرة

*******

هذا عن الدافع العصبي.. أما عن الدافع العاطفي فيجب أن ندرك أن الحديث بالنسبة للرجل وسيلة لنقل المعلومة وتوصيل الخبر وتبادل الاقتراحات والحلول.. أي كما نقول بالعامية: كلمة ورد غطاها.. ولهذا السبب تبدو أحاديث الرجال جافة ومنطقية ومختصرة بحيث لا يستغرق حديث الرجل مع أعز اصدقائه أكثر من بضع دقائق.. أضف لهذا ان الرجل - حين يفكر - يفكر بصمت كونه يعجز عن الحديث والتفكير في نفس الوقت.. وبالتالي قد ينغلق على نفسه لعدة ساعات أو أياموفي المقابل تنظر المرأة للحديث كوسيلة للتواصل وتوطيد العلاقة مع الطرف الآخر وكلما تحدثت أكثر كلما أطمأنت لسير العلاقة بشكل أفضل.. ولا يهم فعلا ما قالته قبل ربع ساعة فقط.. وبعكس الرجل تفكر المرأة بصوت مرتفع وكلما زادت مشاكلها كلما تحدثت عنها لوقت أطول مع شقيقاتها وصديقاتها.. ولكن ليس مع زوجها أو أشقائها لعلمها أن الرجال لا يجيدون الحديث أو الاصغاءوالمشكلة التي تبرز كثيرا بين الزوجين تكمن في أن طريقة المرأة في الحديث تجعل الرجل.. لسبب عصبي حقيقي.. يتوه في التفاصيل والتفرعات ولا يعرف ماذا تريد.. بالضبط.. فيفضل الصمت أو الانسحاب.. وفي المقابل حين يصمت الزوج لفترة طويلة.. ربما بسبب مشكلة لا تتعلق ببيته أو زوجته.. تبدأ الزوجة بالقلق والتساؤل إن كان مل الحديث معها أو لم يعد يحبها كالماضيغير أن إدراك كل طرف لطريقة الآخر في الحديث والإصغاء.. والغرض من فتح الحنك أو قفله.. يوفر لكليهما مساحة كبيرة من التفهم والتسامح وتنويع طريقته في التجاوب.. وسواء ثرثرت الزوجة.. بغرض التنفيس أو التواصل أو صمت الزوج.. بسبب التفكير أو المشاغل.. لا يجب أن يؤخذ هذا كنقيصة أو عدم اهتمام وتجاوب من الآخر

*******

نصيحتي للمرأةإن أردتِ شيئا من زوجك فقوليه بطريقة مختصرة ومباشرة وتجنبي الدخول في التفاصيل.. فالرجل يبحث عن النقاط المنطقية في الحديث ويتوه بعد دقيقتين فقطونصيحتي للرجلاتركها تتحدث كما تشاء ولا تتسرع بتقديم النصائح والاقتراحات.. فهي لا تبحث عن حلول منطقية بقدر ما تفكر بصوت مرتفع وتتأكد من رغبتك بالتواصل معها

شوية كلام جه فى بالى كده :-)

مهنة المعلمه بجد مهنه رائعه لكل اللى يهتم بدوره كمعلمه بجد
أفخرى بكونك معلمه بس اهم حاجه راعى دورك كمعلمه بجد:
انتى معلمه يعنى أم تانيه ليه بتفصلى بين كونك أم فى البيت ومجرد تروحى الشغل يا سلام امرأه جباره؟؟؟؟
لو لسه صغننه متجوزتيش وكده يعنى ليه بتعاملى طلبتك على أنهم اصغر منك بكتيييييير أعتبريهم أخواتك
أفتحى قلبك ليهم أسمعى مشاكلهم (بره وقت الحصه طبعا) حسسيهم أنك حاسه بيهم بجد
انصحيهم من قلبك كأخت مش كواحده بتحدف النصيحه عشان تبقى عملت اللى عليها وخلاص
حطى نفسك مكانهم فى كل حاجه عشان ما تظلميهمش
متكرهيش نفسك فى المهنه النبيله دى ولا تستعرى منها ابدا قوليها بكل فخر انا معلمه
حسى بدورك فى تكوين جيل صالح
كونى قدوه لهم فى زيِّك وفى اخلاقك وطريقة كلامك ...ألفاظك... دينك...عمل واجبك
هتقوليلى يا سلام ما هو فى طلبه عاوزين طخ النار جايين من بيئات رهيبه معندهمش احترام لحد اهلهم معلمهمش ازاى تكلم الناس اصلا
بصى يا ستى هقولك خليكى قدوه ليهم يعنى لو لقيتى بنت من النوع اللى ما تعرفيش تسلكى معاه وبتستفزك فى الحصه اعملى مش واخده بالك من الآخر تجاهليها تماما شويه وهى هتحس انها بتكلم نفسها وهتستغرب منك وان شاء الله بعد كده ممكن تعدل من اسلوب حياتها
اهم حاجه اعملى واجبك و كما ينبغى اصبرى عليهم:
كمدرسه وكمربيه ... كأخت و كصديقه
وادعى ربنا بالتوفيق ليا وليكى

ادخل شوف وبكل فخر اعز الناس لقلبى مين؟؟؟؟

There are nice girls whom I loved from my heart . To my sorrow I can't say it directly to them, so I wish that they read it here.
I just want to say to them ;
" I love you too much, you my not understand your position in my heart,but here I say it to you , you are in the bottom of my heart and I wish that we will be together for ever "
" Please , don't leave me for only one day"
To everybody : You should read the following list and be sure that I didn't arrange them according to position:
Lovely Mary
Princess Rema
Naughty yoyo (o5te el so3'nana)
Naughty Nano (o5te el so3'nana)
Sister Rona (o5te el so3'nana)
Funny Sara (o5te el so3'nana)
Friendly Hagora
Simple Dodo
Delicate Dodo
Naughty Dodo
Gody (Woman in baby)
Om 7abiba
Soma
Rozy 3sal
Nervous Mnooooooon
Yoyo
Smiled yoyo
Sonson
Om ro2a
Naholh
Lolo el kabira
Lolo EL sa3'era :-)
Sno2a
R0ka

Funny Ra7om
Lovely Oma (of course)
Please,Don't ask me about their names you must know your self from these nick names .

Are you alone??????

Sometimes you feel that your life became so dark and there isn't any solutions to your problems except death . You may be surrounded by too so many people ; sisters, brothers,relatives,friends, and comrades.But you are yearn to just one person who is capable of understanding your feelings, and mitigating your pains.
It's impossible to see him...
You didn't know will you see him oneday or no...?!!
All your prayers is to get together again in good condition...
You feel that your heart is being squeezed...
To you who feel that:

Sometimes

When the world's not on your side...

You don't know where to run to...?!!!

You don't know where to hide...?!!!

You gaze at the stars in the sky

At the mountains so high...

Through the tears in your eyes...

Looking for a reason

To replace what is gone

Just remember:: remember

That you are never alone..

You are never alone..

Just reach into your heart

And Allah is always there...

You are never alone...

Through sorrow and through grief

Through happiness and peace

You are never alone...

So nowAs you long for your past

Prepare for your future

But knowing nothing's gonna last

You see...

This life is but a road

A straight and narrow path

To our final abode

So travel well Oh muslim

And paradise will be your home

And always remember

That you are never alone...

You are never alone...

Just reach into your heart

And Allah is always there...

You are never alone ...

Allah is there...

Through sorrow and through grief

Through happiness and peace

You are never alone...

You are never alone...

Just reach into your heart

And Allah is always there...

You are never alone...

To listen :

http://www.epda3.net/iv/clip-2124.html

يا ترى هتتجوز على انهى طريقه؟!

الي كل راغبي الزواج هل سالت نفسك يوما كيف تزوج سابقوك انها المعاناه

مصـــر الفرعـونيــــــــة

بابا انا عايز اتجوزاختى حت حورخلاص يا ابنى خليها تنقل حاجتها فى قوضتك..وابقي هاتلها حجرين صوان هدية.. مبروك ياتاح............ ......... .....

مصــــــر فى عصـــــر الرومــــــان

تتجوزينى ياافروديت اتجوزك يا بانسيلوس يللا بينا نبنى كوخ عالبحر ونعيش هناك يللا......... .......

مصـر بعد الفتح الاســـــلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهربعيروالله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينهوخلقه فزوجوه 'قيموا الافراح.........

مصــــــــر 1919

انت حتتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى طب مش اشوفها الاول يابا انت اتجننت ياولد تشوفها ده ايه .. انت ح تتجوز والاتخبص حاضر يابا......... ........

مصــــــــــــر 1960

بقى يا ستى بنتك آمال جالها عريس ياألف نهار ابيض يا ألف نهارمبروك جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوابعد الجواز.. والا ايه رأيك يا أمالعروسة؟الرأى رأيك يا أبو العروسة ..والله العيال ح يعجزونا يا ابومحمدفشر .. تدبل الوردة وريحتها فيهايانرجوستى......... .........

مصــــــــر فى عصــــــر الانفتــــاح

اخرسى يا بنت... انااللى يتجوز بنتى لازم يكون عنده شقة تمليك وعربيةوسوبرماركوبس يا امامفيش بس.. اناوابوكى قبل ما يموت فى الحرب كانت بتعدىعلينا ايام ما بنلاقيش ناكل.. انا يا بنتى مش عايزاكى تتعذبى زى ما احنااتعذبنا.. انتى ح تتجوزى فتحى ابن خالتك بس انا مش بحبه يا ماما الحب مابيأكلش تونة فى الزمن ده يا فالحة امرك يا ماما........

مصــــــــــــر2008

البنت:بابا توتي حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى الاب: مبروك يا حبيبتى

منقول للأمانه

قم للمغنى للشاعره ريوف الشمرى

قٌـمْ للمغنِّـيْ وفِّـهِ التصفـيـرا كاد المغنِّـيْ أن يكـون سفيـرا

يا جاهلاً قـدر الغنـاء و أهلِـهِ اسمع فإنك قـد جَهِلـتَ كثيـرا

أرأيتَ أشرفَ أو أجلَّ من الـذي غنَّى فرقَّـصَ أرجُـلاً و خُصُـورا

يكفيهِ مجـدا أن يخـدرَ صوتُـهُ أبنـاء أُمـة أحـمـدٍ تخـديـرا

يمشي و يحمل بالغنـاء رسالـةً من ذا يرى لها في الحياة نظيرا

يُنسي الشبابَ همومَهم حتى غدوا لا يعرفـون قضيـةً و مصيـرا

الله أكبـر حيـن يحيـي حفلـةً فيهـا يُجعِّـرُ لاهيـاً مـغـرورا

من حوله تجدِ الشباب تجمهـروا أرأيت مثل شبابنـا جمهـورا؟!!

يا حسرةً سكنت فؤاديَ و ارتوتْ حتى غَدَتْ بين الضلوعِ سعيـرا

يا عين نوحي حُقَّ لي و لكِ البُكا ابكـي شبابـا بالغنـا مسحـورا

يـا لائمـي صمتا فلستُ أُبالـغُ فالأمرُ كان و ما يـزالُ خطيـرا

أُنظر إلى بعض الشبـابِ فإنـك ستراهُ في قيـد الغنـاءِ أسيـرا

يا ليت شعري لو تراهُ إذا مشـى متهزهـزاً لظننتـهُ مخـمـورا

ما سُكرُهُ خمـرٌ و لكـنَّ الفتـى من كأسِ أُغنيـةٍ غـدا سِكّيـرا

أقْبِح بهِ يمشي يُدنـدنُ راقصـاً قتلَ الرجولـةَ فيـهِ و التفكيـرا

لولا الحياءُ لصحـتُ قائلـةً لـهُ (يَخْلفْ على امٍ) قد رعتكَ صغيرا

في السوقِ في الحمامِ أو في دارهِ دوماً لكـأس الأُغنيـاتِ مديـرا

إنَّ الـذي ألِـفَ الغنـاءَ لسانُـهُ لا يعـرفُ التهليـلا و التكبيـرا

حاورهُ لكنْ خُـذْ مناديـلاً معـك خُذها فإنك سوف تبكـي كثيـرا

مما ستلقى مـن ضحالـةِ فكـرهِ و قليـلِ علـمٍ لا يُفيـدُ نقيـرا

أما إذا كان الحـوارُ عـن الغنا و سألتَ عنْ ( أحلام ) أو (شاكيرا )

أو قلت أُكتب سيرةً عن مطـربٍ لوجدتِـهُ علمـاً بـذاك خبيـرا

أو قلتَ كمْ منْ أُغنيـاتٍ تحفـظُ سترى أمامـك حافظـاً نحريـرا

أمـا كتـابُ الله جـلَّ جـلالـه فرصيدُ حفظهِ ما يـزالُ يسيـرا

لا بيـتَ للقـرآن فـي قلـبٍ إذا سكن الغناءُ به و صـار أميـرا

أيلومني مـن بعـد هـذا لائـمٌ إنْ سال دمعُ المقلتيـن غزيـرا

بلْ كيف لا أبكي و هـذي أمتـي تبكـي بكـاءً حارقـاً و مريـرا

تبكي شبابا علَّقـتْ فيـهِ الرجـا ليكونَ عنـد النائبـاتِ نصيـرا

وجَدَتْهُ بالتطريـبِ عنهـا لاهيـاً فطوتْ فؤاداً في الحشا مكسـورا

آهٍ..و آهٍ لا تــداوي لوعـتـي عيشي غــدا مما أراه مريـرا

فاليومَ فاقـتْ مهرجانـاتُ الغنـا عَدِّي فأضحى عَدُّهـنَّ عسيـرا
في كـل عـام مهرجـان يولـد يشدوا العِدا فرحاً به و سـرورا

أضحت ولادة مُطربٍ فـي أمتـي مجداً بكـل المعجـزات بشيـرا

و غـدا تقدمنـا و مخترعاتنـا أمراً بشغل القوم ليـس جديـرا

ما ساد أجدادي الأوائـل بِـالغُنـا يوماً و لا اتخذوا الغناءَ سميـرا

سادوا بدين محمد و بَنَـت لهـم أخلاقهم فـوق النجـوم قصـورا

و بصارم في الحرب يعجب باسلاً ثبت الجنانِ مغامـراً و جسـورا

مزمـارُ إبليـسَ الغنـاءَ و إنـّه في القلب ينسِجُ للخراب ستـورا

صاحبـْتـُه زمنـاً فلمـا تركـتـه أضحى ظلامُ القلب بعـده نـورا

تبـّا و تبـّا للغنـاءِ و أهـلـِهِ قد أفسدوا في المسلميـن كثيـرا

يا رب اهدهـم أو ادفـع شرهـمإنا نـراك لنـا إلهـي نصيـرا

جســــــــــــــــــــــــور تمتد لتصل إلى كل الأرجـــــــــــــــــــاء...
تجمعنا بمن نحب وقتما نشـــــــــــــــــــــــــــاء...
ألا وهى :
(جســـــــــــــــــــــــــــور الدعـــــــــــــــــــــــــاء)
لمن يعيشون فى قلوبنا...
جمعنا الله واياهم فى حب رب السماء
اللهم اّمين

Friendship

When we think in youth we find extremely strange things .For example ;we will find so many boys and girls brought up on Islamic principles, but to our great disappointment ;we may find that they don't follow the Islamic orders .They may listen to music , make friendships with the other sex ,don't wear Islamic clothes ,smoke ,don't look after Islamic affairs ,abandon the Holy Quran,........etc.
On the other hand; we may find boys and girls whose parents don't look after Islamic orders and principles, but to our great astonishment they follow the Islamic orders and exert utmost effort to obey Allah.
Don't you exclaim when you see the two types?!
We see these diversities because of the diversities in friendship.
Some friends lead their friends to Hell and some friends lead their friends to Paradise.
Bad friend will lead you to the worst .He gradually pull you to his manner and behaviors and consequently to deviation .At the end you will not obtain anything except the anger of Allah and regret.
So obey Allah in what he says in the Holy Quran;
"واصبر نفسك مع الذين يدعون ربهم بالغدوة والعشى يريدون وجهه ولا تعد عيناك عنهم تريد زينة الحيوة الدنيا ولا تطع من اغفلنا قلبه عن ذكرنا واتبع هواه وكان امره فرطا"
And you should remember our prophet's order;
"المرء على دين خليله فلينظر احدكم من يخالل"